Літургічны каляндар на 2023 год

Літургічны каляндар на 2023 год
 
Інтэнцыя Святога Айца на студзень
Молімся, каб выхаваўцы былі шчырымі сведкамі, навучаючы братэрству, а не суперніцтву, і ва ўсім падтрымлівалі ўражлівых маладых людзей.
Інтэнцыя Жывога Ружанца на студзень (парафіяльная)
Mолімся, аб спыненні вайны ва Украіне, дары міру і супакою на гэтай зямлі.

Студзень

Нядз.

1

8

15

22

29

Пан.

2

9

16

23

30

Аўт.

3

10

17

24

31

Сер.

4

11

18

25

 

Чац.

5

12

19

26

 

Пят.

6

13

20

27

 

Суб.

7

14

21

28

 
Студзень
1 студзеня — урачыстасць Святой Багародзіцы Марыі.
2 студзеня — успамін св. Базыля Вялікага і Грыгорыя Назіянскага, біскупаў і доктараў Касцёла.
6 студзеня — урачыстасць Аб'яўлення Пана (Тры Каралі).
8 студзеня — свята Хросту Пана.
21 студзеня — успамін св. Агнешкі, панны і мучаніцы.
25 студзеня — свята навяртання св. Паўла, апостала.
27 студзеня — успамін бл. Юрыя Матулевіча, біскупа.
28 студзеня — успамін св. Тамаша Аквінскага, святара і доктара Касцёла.
Люты
2 лютага — свята Ахвяравання Пана.
3 лютага — успамін св. Блажэя, біскупа і мучаніка.
5 лютага — успамін св. Агаты, панны і мучаніцы.
8 лютага — успамін св. Гераніма Эміліяні, законніка.
10 лютага — успамін св. Cхалястыкі, панны.
11 лютага — успамін Найсвяцейшай Панны Марыі з Люрда.
14 лютага — свята св. Кірыла, мніха, і Мятода, біскупа, апекуноў Еўропы.
21 лютага — успамін св. Пятра Дам'яна, біскупа і доктара Касцёла.
22 лютага — Папялец (пачатак Вялікага посту).
23 лютага — успамін св. Палікарпа, біскупа і мучаніка.
26 лютага — першая нядзеля Вялікага посту.
Сакавік
4 сакавіка — успамін св. Казіміра.
5 сакавіка — другая нядзеля Вялікага посту.
12 сакавіка — трэцяя нядзеля Вялікага посту.
19 сакавіка — чацвёртая нядзеля Вялікага посту.
20 сакавіка — урачыстасць св. Юзафа, абранніка Найсвяцейшай Панны Марыі.
25 сакавіка — урачыстасць Звеставанне Пана.
26 сакавіка — пятая нядзеля Вялікага посту.
Красавік
2 красавіка — Пальмовая нядзеля.
6 красавіка  
— Вялікі чацвер.
7 красавіка — Вялікая пятніца.
8 красавіка — Вялікая субота.
9 красавіка — Велікодная Нядзеля або Уваскрасенне Пана (Вялікдзень).
10 красавіка — панядзелак у актаве Пасхі.
16 красавіка — Нядзеля Божай Міласэрнасці.
25 красавіка — свята святога Марка, евангеліста.
29 красавіка — свята св. Кацярыны Сіенскай, панны і доктара Касцёла, апякункі Еўропы.
Май
1 мая — свята св. Юзафа, рамесніка.
3 мая — свята святых Філіпа і Якуба, апосталаў.
13 мая — свята Маці Божай Фацімскай
14 мая — свята св. Мацея, апостала.
16 мая — успамін св. Андрэя Баболі, святара і мучаніка.
18 мая —урачыстасць Унебаўшэсця Пана.
28 мая — урачыстасць Спаслання Духа Святога (Пяцідзесятніца).
29 мая  — свята Найсвяцейшай Панны Марыі, Маці Касцёла.
31 мая — свята Адведзінаў Найсвяцейшай Панны Марыі.
Чэрвень
1 чэрвеня — свята Езуса Хрыста, Найвышэйшага і Вечнага Святара.
4 чэрвеня — урачыстасць Найсвяцейшай Тройцы.
8 чэрвеня — урачыстасць Найсвяцейшага Цела і Крыві Хрыста.
16 чэрвеня — урачыстасць Найсвяцейшага Сэрца Пана Езуса.
17 чэрвеня — успамін Беззаганнага Сэрца Найсвяцейшай Панны Марыі.
24 чэрвеня — урачыстасць Нараджэння св. Яна Хрысціцеля.
29 чэрвеня — урачыстасць святых Пятра і Паўла, апосталаў.
Ліпень
2 ліпеня — свята Найсвяцейшай Панны Марыі Будслаўскай.
3 ліпеня — свята святога Тамаша, апостала.
16 ліпеня — успамін Найсвяцейшай Панны Марыі з гары Кармэль (Маці Божай Шкаплернай).
22 ліпеня — свята святой Марыі Магдалены.
25 ліпеня — свята святога Крыштафа.
26 ліпеня — успамін святых Яўхіма і Ганны, бацькоў Найсвяцейшай Панны Марыі.
29 ліпеня — успамін святой Марты.
Жнівень
6 жніўня — свята Перамянення Пана.
10 жніўня — свята святога Лаўрэнція, дыякана і мучаніка.
11 жніўня — успамін святой Клары, панны.
15 жніўня — урачыстасць Унебаўзяцця Найсвяцейшай Панны Марыі.
21 жніўня — свята Найсвяцейшай Панны Марыі Браслаўскай, Валадаркі Азёраў.
24 жніўня — свята святога Барталамея, апостала.
Верасень
3 верасня — успамін святога Грыгорыя Вялікага, Папы і доктара Касцёла.
8 верасня — свята Нараджэння Найсвяцейшай Панны Марыі.
14 верасня — свята Узвышэння Святога Крыжа.
15 верасня — успамін Найсвяцейшай Панны Марыі Балеснай.
21 верасня — свята святога Мацвея, апостала і евангеліста.
23 верасня — успамін святога Піа з П'етральчыны, святара.
29 верасня — свята святых Арханёлаў Міхала, Габрыэля і Рафала.
Кастрычнік
1 кастрычніка — успамін святой Тэрэзы ад Дзіцятка Езус, панны і доктара Касцёла.
2 кастрычніка — успамін Анёлаў Ахоўнікаў
4 кастрычніка — успамін святога Францішка Асізскага.
7 кастрычніка — свята Найсвяцейшай Маці Божай Ружанцовай.
15 кастрычніка — успамін святой Тэрэзы ад Езуса, панны і доктара Касцёла.
18 кастрычніка — свята святога Лукі, евангеліста.
28 кастрычніка — свята святых Сымона і Юды, апосталаў.
Лістапад
1 лістапада — урачыстасць Усіх Святых.
2 лістапада — успамін усіх памерлых вернікаў.
12 лістапада — урачыстасць святога Язафата Кунцэвіча, біскупа і мучаніка, галоўнага апекуна Віцебскай дыяцэзіі.
16 лістапада — успамін Маці Божай Вастрабрамскай.
26 лістапада — урачыстасць Пана Нашага Езуса Хрыста, Валадара Сусвету.
30 лістапада — свята святога Андрэя, апостала.
Снежань
3 снежня — першая нядзеля Адвэнту.
6 снежня — успамін св. Мікалая, біскупа.

8 снежня 
— урачыстасць Беззаганнага Зачацця Найсвяцейшай Панны Марыі.
10 снежня — другая нядзеля Адвэнту.
14 снежня — успамін св. Яна ад Крыжа, святара і доктара Касцёла.
17 снежня — трэцяя нядзеля Адвэнту.
24 снежня — чацвёртая нядзеля Адвэнту.
25 снежня — урачыстасць Нараджэння Пана.
26 снежня — свята св. Стэфана, першамучаніка.
27 снежня — свята св. Яна, апостала і евангеліста.
28 снежня — свята святых Немаўлят, мучанікаў.
31 снежня — свята Святой Сям'і

Адвэнт. Сімвалы і традыцыі

Упершыню пра Адвэнт як час падрыхтоўкі да Нараджэння Пана ўзгадваецца ў гістарычных крыніцах IV ст. Адвэнт багаты на разнастайныя сімвалы і традыцыі. Пры гэтым кожны народ і краіна маюць штосьці адметнае.

 

1. Рараты

SPA56033Адной з прыгожых традыцый Адвэнту з'яўляецца раратняя святая Імша ў гонар Найсвяцейшай Панны Марыі. Звычайна гэтая літургія цэлебруецца на світанні. З вялікай ахвотай у раратніх святых Імшах прымаюць удзел дзеці, якія на пачатку літургіі ідуць у працэсіі, трымаючы ў руках запаленыя свечкі або лампадкі. І толькі на спеў «Хвала на вышынях Богу...» ва ўсім касцёле запальваецца святло.

Яшчэ адным праяўленнем адвэнтавай літургіі святла з'яўляюцца раратнія ліхтарыкі. Ідучы на рараты, дзеці бяруць з сабой ліхтары, каб асвятліць змрок. Гэтая прыгожая сімволіка нагадвае пра неабходнасць збірання добрых учынкаў, якія дапамогуць асвятліць змрок граху ў нашай душы, паказаць Хрысту дарогу да людскіх сэрцаў.

 

2. Адвэнтавы вянок

4to-domingo-de-adviento-1600x1200Характэрным знакам Адвэнту ў дамах і святынях з'яўляецца адвэнтавы вянок. Гэты звычай паходзіць з Германіі. Пратэстанцкая духоўная асоба, тэолаг і грамадскі дзеяч Джон Віхэрн адкрыў у Гамбургу школу-прытулак для сіротаў. У Адвэнце 1839 года ён зрабіў вянок, каб стварыць атмасферу, якая садзейнічала б малітве. Па краях кола (дыяметрам у два метры) Віхэрн размясціў 24 невялікія свечкі. Кожную з іх запальвалі ў чарговы звычайны дзень Адвэнту. Вакол вянка падапечныя Віхэрна штодня збіраліся на супольныя сустрэчы, малітвы і спевы. Хутка звычай адвэнтавых вянкоў распаўсюдзіўся па іншых гарадах Германіі і ўсёй Еўропы.

Адвэнтавы вянок мае глыбокую сімволіку. Ён выконваецца з зялёных яловых ці піхтавых галінак у форме круга, на якім размяшчаюць чатыры свечкі — сімвал чатырох нядзеляў Адвэнту. Запальванне свечак азначае чуванне і гатоўнасць да прыходу Хрыста.

Першая свечка сімвалізуе тое, што Бог прабачыў Адаму і Еве іх непаслухмянасць Творцы. Свечка, запаленая ў другую нядзелю Адвэнту, сімвалізуе веру патрыярхаў ізраільскага народу, як удзячнасць за дар — Абяцаную Зямлю. Трэцяя свечка адносіцца да радасці караля Давіда, які цэлебруе саюз з Богам. Апошняя — сімвал навучання прарокаў, якія абвяшчалі прыход Месіі.

Святло свечак у вянку азначае надзею, а яго зеляніна — працяг жыцця. Форма круга сімвалізуе вечнасць, якая не мае пачатку і канца. Цалкам адвэнтавы вянок — гэта сімвал Божага люду, які чакае ў радасці і любові прыход Збаўцы ў свет.

 

3. Перадкалядны каляндар

Вельмі цікавая традыцыя, якая дапамагае ператварыць час Адвэнту ў сапраўднае чуванне, на жаль, у Беларусі мала вядомая — гэта перадкалядны (снежаньскі) каляндар.

Звычай лічыць снежаньскія дні, якія застаюцца да Божага Нараджэння, і адзначаць кожны з іх маленькім падарункам ці неспадзеўкай з'явіўся шмат дзесяцігоддзяў таму. Гісторыя такіх календароў распачалася ў XVII ст. У тыя дні ў снежні было прынята кожны дзень вывешваць на сцены малюнкі з біблейскімі матывамі. Вядома, што сям'я збіралася разам, каб пабожна разважаць убачаныя сюжэты, такім чынам паглыбляючы свае веды аб Хрысце, якога чакаюць.

Найбольш традыцыйнай формай календара з'яўляецца скрыначка з акенцамі па колькасці дзён Адвэнту. У кожнай скрыначцы змешчаны цукеркі альбо іншыя сімвалічныя падарункі. Адчыніць акенца дзецям (ды і дарослым) можна толькі раз на дзень пасля таго, як зрабіў добры ўчынак.

Якімі б прыгожымі не былі традыцыі Адвэнту, варта памятаць, што сэнс гэтага перыяду літургічнага года ў тым, каб годна падрыхтаваць сябе да свята прыйсця Збаўцы. А пасля з чыстым сумленнем і шчырай радасцю сустрэць свята Божага Нараджэння.

Паводле catholic.by
Фота з архіваў парафіян


Каляндар важнейшых рухомых святаў

Год Панскі

Папялец Вялікдзень Унебаўшэсце Спасланне Духа Святога Цела і Крыві Хрыста Першая нядзеля Адвэнту
 2016 10.02  27.03 05.05 15.05 26.05 27.11
 2017  01.03  16.04  25.05 04.06 15.06 03.12
 2018  14.02  01.04  10.05 20.05 31.05 02.12
2019 06.03 21.04 30.05 09.06 20.06 01.12
2020 26.02 12.04 21.05 31.05 11.06 29.11

 


Літургічны год

«На працягу года Касцёл адкрывае ўсю таямніцу Хрыста, пачынаючы ад Уцелаўлення і Нараджэння аж да Унебаўшэсця, да дня Спаслання Духа Святога, а таксама да чакання благаславёнай надзеі прыйсця Пана. Такім чынам адзначаючы таямніцу Адкуплення, Касцёл адкрывае багацце збавенных спраў і заслугаў свайго Пана. Яны нагадваюць аб сабе пэўным чынам у кожным часе, каб вернікі сустрэліся з імі і атрымалі ласку збаўлення» (SC, 102)*.

Касцёльны літургічны год пачынаецца з першай нядзелі Адвэнту і працягваецца да суботы пасля апошняй звычайнай нядзелі – нядзелі Хрыста Валадара. Літургічны год падзяляецца на перыяды:

  • Перыяд Адвэнту.
  • Перыяд Нараджэння Пана.
  • Звычайны перыяд: ад панядзелка пасля нядзелі Хросту Пана да Папяльцовай серады.
  • Перыяд Вялікага посту.
  • Святы Пасхальны Трыдуум.
  • Велікодны перыяд.
  • Звычайны перыяд: ад панядзелка пасля Спаслання Духа Святога да першай нядзелі Адвэнту.

* SC – Канстытуцыя пра святую Літургію ІІ Ватыканскага Сабору.


Урачыстасці і Святы

Кожны католік абавязаны ўдзельнічаць у Святой Імшы кожную нядзелю, а таксама ў наступныя ўрачыстасці і святы:

  • Святой Багародзіцы Марыі – 1 студзеня.
  • Аб'яўленне Пана (Тры Каралі) – 6 студзеня.
  • Святога Юзафа – 19 сакавіка.
  • Унебаўшэсце Пана – з календара рухомых святаў.
  • Цела і Крыві Хрыста (Божага Цела) – з календара рухомых святаў.
  • Святых апосталаў Пятра і Паўла – 29 чэрвеня.
  • Унебаўзяцце Найсвяцейшай Панны Марыі – 15 жніўня.
  • Усіх Святых – 1 лістапада.
  • Беззаганнага Зачацця Найсвяцейшай Панны Марыі – 8 снежня.
  • Нараджэнне Пана – 25 снежня.

(пар. Кодэкс Кананічнага Права, кан. 1246, § 1)


Расклад Св. Імшаў

 

  

Панядзелак 18:00 
Аўторак 09:00 
Серада  18:00
Чацвер 09:00
Пятніца 09:00 
Субота  09:00
 Нядзеля 10:00    
Св. Імша ў Халопенічах:    
Нядзеля