Адвэнт – надзвычайны час, багаты сваімі традыцыямі і звычаямі. Адзін з іх – Рараты – Святая Імша ў гонар Найсвяцейшай Панны Марыі, якая звычайна цэлебруецца на світанні. У нашай парафіі ўжо некалькі год на рараты прыходзяць як дарослыя, так і зусім маленькія вернікі.
Дзеткі, нягледзячы на тое, што раніцай так цяжка ўставаць, з задавальненнем прыходзяць у касцёл з ліхтарыкамі - сімваламі перамогі святла над цемрай.
Рараты – гэта падзяка Панне Марыі як Маці Бога і сімвал яе асаблівай прысутнасці ў падрыхтоўцы да Божага Нараджэння. І ўсе прысутныя на гэтай асаблівай Святой Імшы не пашкадавалі, што ўсталі на гадзінку раней.
Алена
