Ужо штогод у нашай парафіі адбываюцца Адвэнтовыя рэкалекцыі .Гэта асаблівы час для духоўных разважанняў і паглыблення нашай веры. І ў гэтым годзе да нас прыехаў айцец Віталій Чабатар з парафіі Антонія Падуанскага г. Магілёва.
Гэтыя рэкалекцыі адбыліся з 19 па 21 снежня. Падчас спатканняў а. Віталій распявядаў нам вельмі глыбокія гаміліі, правёў для дзяцей і дарослых катэхезы. Адвэнт – асаблівы час, час радаснага чакання. Мінавіта гэта нам хацеў перадаць айцец-рэкалекцыяніст. За гэтыя дні рэкалекцый мы шмат чаго пазналі новага:пра цяжкасці кансэкраванага жыцця, пра грэх чалавека, пра любоў Бога да кожнага з нас.
Асабліва прыемна, што казанні айца Віталія слухалі з вялікім захапленнем не только дарослыя, але дзеці і моладзь нашай парафіі.
Гэта былі сапраўды вельмі плённыя рэкалекцыі, і мы спадзяёмся, што а. Віталій завязе ў свой родны горад добрыя ўражанні і пачуцці і добры настрой , якім ўвесь час з ім дзяліліся парафіяне з горада Крупкі .Жадаем яму поспехаў у яго святарскім служэнні, а мы будзем помніць айца Віталія ў малітве.
Аня
